कापूरहोळ
भोर विधानसभा मतदारसंघासाठी 4 लाख 30 हजार 278. मतदारांपैकी 2 लाख 92 हजार 649 मतदारांनी मतदानाचा हक्क बजावला आहे. एकूण मतदानाची टक्केवारी 68.01% टक्के आहे. 2019 च्या भोर विधानसभा निवडणुकीत मतदारसंघातून 64.09% टक्के मतदान झाले होते. यामध्ये 5 टक्के ने वाढ झाली आहे. काटेकीटक्कर या निवडणुकीत झाली आहे.त्यामुळे मतदान वाढीव टक्केचा फायदा कोणाला होणार आणि घरी कोण जाणार विधानसभा मतदारसंघात कौल कोणाच्या बाजूने राहणार हे 23 नोव्हेंबर 2024 रोजी उघड होणार आहे.
चौरंगी लढतीच्या भोर राजगड मुळशी मतदारसंघातील मुळशी मधील सरासरी मतदान 60% पेक्षा अधिक ठासून झाले असून आता निकाल देखील घासून लागणार असल्याचे चर्चा भोर विधानसभा मतदारसंघात रंगू लागलेली आहे.
लोकसभा निवडणुकीला घसरलेला मतांचा टक्का आणि विधानसभा निवडणुकीत वाढ झाल्याचे दिसत आहे. भोर विधानसभा मतदारसंघांमध्ये काही गावांमध्ये उशिरापर्यंत मतदाराच्या रांगा होत्या. महाविकास आघाडीचे उमेदवार संग्राम थोपटे महायुतीचे उमेदवार शंकर मांडेकर व अपक्ष उमेदवार किरण दगडे व कुलदीप कोंडे यांनी तालुक्यातील महत्त्वाच्या मतदान केंद्रांना भेटी देत आढावा घेतला होता.
